Ministri i Jashtëm i Turqisë, Mevlüt Çavusoglu, do të qëndrojë sot në Tiranë në vizitë zyrtare.
Axhendën e takimeve Çavusoglu e nisi nga Ministria e Jashtme, me homologun Ditmir Bushati.
Ai ka takuar edhe kryetarin e Partisë Demokratike, Lulzim Basha.
Në fokus të takimit janë diskutimet për marrëdhëniet dypalëshe, si dhe për zhvillimet rajonale dhe ndërkombëtare.
“Takim i përzemërt me Ministrin e Jashtëm turk Mevlüt Çavusoglu. Nje histori e konsoliduar mbështetje dhe bashkëpunimi mes dy popujve dhe vendeve tona e cila do të njohë fuqizim në sfidat e përbashkëta të së ardhmes.”, shkruan kreu I PD në facebook.
Ministri Çavusoglu, do të realizojë takime me zyrtarë të lartë të Shqipërisë, si presidentin e vendit, Ilir Meta, kryeministrin Edi Rama dhe kryeparlamentarin Gramoz Ruçi.
Pas përfundimit të vizitës në Shqipëri, ministri Çavusoglu do të realizojë një vizitë në Kosovë.
