Botuesi Fahri Balliu ka hedhur dritë mbi figurën e propozimit të Edi Ramës për Ministër të Brendshëm, Sandër Lleshin. I ftuar në emisionin “Open” në Top Channel ai tha se Sandër Lleshin e ka promovuar vetë në karierën e tij. Fillimisht tha ai i kam dhënë të drejtën për të mbajtur një fjalim në një konferencë të institutit “Alcide De Gasperi”. Ai hodhi poshtë edhe kartën morale që Rama e përdor në publik se Sandër Lleshin ia ka propozuar shkrimtari Ismail Kadare. 

“E deklaroj në këtë studio dhe ta keni ju si ekskluzivitet. Këtë njeriun e ka vënë Fahri Balliu, i dhashë të drejtën për të folur në konferencën që organizonte instituti “Alcide De Gasperi”. E kam promovuar, por që është një servil dhe butak që e çoi këtu ku është. Përdorimi abuziv i Ramës për njohjen me Kadarenë është për tu neveritur. Unë e kam njohur Sandër Lleshin me Kadarenë dhe Rama e përdor këtë si kartë morale për të shfrytëzuar . Ky u emërua këshilltar për këtë akt servil. Unë e çova Lleshin ke Kadareja dhe është turp që Rama e përdori këtë gjë për reklamë. Prandaj donte ta emëronte ministër sepse ky ‘Leshi’ iu servilos. Ky njeri është koordinator i qeverisë dhe kryetar i antidrogës, ky njeri ka përgjegjësi. Edi Rama këtë ka për të futur në burg sepse do i thotë pse nuk më informove për drogën dhe kanabizimin në kohën e Tahirit. Ky është njeri që e merr rrogën si këshilltar për të mbrojtur kryeministrin, por që nuk e ka bërë punën” u shpreh botuesi Balliu.