Ish-Ministrja e Integrimit Klajda Gjosha ka reaguar ashpër ndaj përjashtimit të opozitës nga Këshilli i Stabilizim Asocimit.

Gjosha shkruan se “frika nga e vërteta tani ka sjellë çensurën edhe në pozicionet dhe instancat ku opozita ka vendin e saj të padiskutueshëm”.

Ajo thekson se ata që mendojnë se ky është një process i njëanshëm, kërkojnë të shkatërrojnë prespektivën europiane të Shqipërisë.

Reagimi i plotë i Klajda Gjoshës

Këshilli i Stabilizim Asocimit për herë të dytë organizohet nga qeveria duke përjashtuar opozitën. Frika nga e vërteta tani ka sjellë çensurën edhe në pozicionet dhe instancat ku opozita ka vendin e saj të padiskutueshëm. Nëse dikush mendon që ky është një proçes i njëanshëm dhe jo gjithë përfshirës, kërkon të shkatërroj perspektivën europiane të Shqipërisë.

Sa keq që qeverisemi nga njerëz të vegjël si në vizion, ashtu edhe në shpirt!