Dihet botërisht se si erdhi në krye të Prokurorisë së Përgjithshme, Arta Marku, ndërsa ajo u bë edhe më e dukshme kur doli para Komisionit të Pavarur të Kualifikimit dhe ndërkombëtarët i vunë notë ngelëse për aftësinë e saj profesionale.
Zonja prokurore u propozua nga deputeti socialist Ulsi Manja dhe pas marrjes së garancive se nuk do të dilte nga vija e partisë dhe qeverisë, ajo mori vulën e emërimit nga Edi Rama.
Pavarësisht kundërshtimit të gjerë mediatik e politik, Rama i gjeti një punë Markut, lark zyrës së tij, por si pjesë e stafit të kryeministrisë.
Votimi u bë mes flakadanëve dhe në publik u krijua një paragjykim i madh se Rama po kërkonte të kapte prokurorinë.
Sot, bëhet çdo ditë e më e qartë se udhëzimet ajo vazhdon ti marrë nga kryeministria.
Sapo mori detyrën Arta Marku lejoi një dëshmitar vendimtar, financierin e bandës së Habilajve, Nazer Seitin, që ti shpëtonte prokurorëve të dosjes tahiri duke u ekstraduar në mënyrë të paligjshme në Itali edhe pse prokuroria shqiptare po e hetonte atë në lidhje me çështjen Tahiri-Habilaj.
Por nëse, Hajdarmataj i cili tashme qe sulmuar egërsisht nga mazhoranca u ndëshkua me zbritje në detyrë, partnerja e tij në dosjen Tahiri, Elisabeta Imeraj , u hoq qafe me ngritje. Ajo u emërua prokurore e Tiranës.
Për të patur njerëz që do të bënin çdo gjë që do tu urdhërohej, arta Marku hoqi nga pozicionet kyçe prokurorët e suksesshëm të disa dosjeve të rëndësishme dhe në ato pozicioni vendosi shoqet e saj.
Sot, dosjet e skandaleve të qeverisë po flenë në Prokurorinë e Përgjithshme. Droga, trafiku, zhvendosja e prokurorëve të dosjeve të rëndësishme, mos nisja e hetimeve për tenderët korruptivë, mbyllja e syve në rastin e Taulant Ballës brenda komisariatit të Fushë-Krujës, etj, janë disa nga faktet e deritanishme.
Mes këtyre skandaleve është edhe ajo që po çon në vetëflijim me qindra banorë të “Unazës së re”. Por Arta Marku në rastin më të mirë është shurdhe e në rastin më të keq po mbulon skandalin 42 milionë euro.