Ish-kryeministri Sali Berisha, që po e ndjek me vëmendje protestën studentore që po zhvillohet në të gjithë vendin dhe kulmon në Tiranë, i ka bërë thirrje qytetarëve shqiptarë t’i bashkohen kësaj proteste.

Berisha shkruan: “Arsim publik falas, kërkesa e drejtë e studentëve grevistë. Iu bëj thirrje qytetarëve të bashkohen me studentët.”

Teksa publikon videon nga ajo që po ndodh në universitete, shprehet: “Studentët e Mjekësisë i përgjigjen cinizmit të Kallam Dështakut me grevë pa afat deri në plotësimin e kërkesave të tyre, përgjysmimin e tarifave 4-15 herë më të larta se sa vendet e BE dhe heqjen e gjobës së turpit.’

Në vijim, një video nga një qytet tjetër: "Universiteti Fan Noli në protestë për arsim publik falas dhe kundër poshtërimit nga Kallam Dështaku. Ju lumtë, fitore!” përshëndet Berisha.