I pyetur për deklaratën e Ramës ditën e sotme në parlament ku u shpreh: “Protesta i dha një shuplakë qeverisë, një grusht opozitës dhe një dritë shprese shoqërisë”, ish-kryeministri Sali Berisha u përgjigj se ky përshkrim qe tepër i gabuar.

“Ndjej mjerim për njeriun që beson gënjeshtrat e tij. Ai e di mirë se çfarë kërkon protesta, por i tmerruar, po lebetitet se e di çfarë fshihet pas atyre protestave. Përroi i tij psiqik vërshon mbi të dhe nuk e lejon të ketë një arsyetim të drejtë. Ai nuk ua plotëson 8 kërkesat, sepse dyshon që këta kërkojnë kokën e tij. Në fakt këta janë treguar të jashtëzakonshëm në ultimatumin e tyre: Plotëso kërkesat dhe mos e zgjat!”, deklaroi Berisha.