Kreu i Grupit Parlamentar të LSI-së, Petrit Vasili në një dalje për mediat ka denoncuar pengimin e tubimit të diasporës shqiptare nga ana e Policisë së Shtetit. Vasili tha se kryeministrin Edi Rama e ka kapur frika.
“Dje qeveria e kryeministrit Edi Rama së bashku me instrumentat e errëta të Policisë së Shtetit kanë penguar një tubim të diaporës shqiptare. Për herë të parë kemi një pengim të diasporës shqiptare, ku policia e shtetit pengon tubimin, me sebepin se prishet terezia me një tubim të tillë. Kjo do të thotë se frika që ka kapluar kryeministrin nuk kurseu as diasporën.
Tubimi do zhvillohet se diaspora me gjakun e saj ka qenë kontribuese vitale për mbijetesën e shqiptarëve. Remitancat kanë qenë si të ardhurat themelore të qeverisë shqiptare, po kërkojnë të heqin edhe reagimin. Robtohen në Europë dhe botë për të siguruar të ardhurat shikojnë si qeveria vjedh 40 milionë euoro. Si qindra e miliona euro grabiten dhe shpërdorohen me koncensione. Frika e demaskimit të këtij afere kanë shqetësuar me të drejtë edhe diasporën shqiptare e cila donte të reagonte”, u shpreh Vasili.
