Në kabinetin ‘Rama 3’ veç emrave të panjohur të ministrave të rinj, ka edhe nga ata që njihen gjerësisht, sidomos kur vjen puna tek gafat në media. Një prej tyre është Eduard Shalsi. Rama tha sot se ai do të mbajë postin e Ministrit të Sipërmarrjes, vend që deri më tani e mbante Sonila Qato.
Ndërkohë është ende e freskët gafa që Shalsi bëri gjatë një interviste në ‘Top Story’ pak para zgjedhjeve të vitit 2013. Ai tha se ‘ne nuk do të vjedhim në mënyrë kaq flagrante sa këta’. Pra, Shalsi i referohej qeverisë së PD-së. Ndërkohë faktet sot tregojnë se qeveria e PS-së, jo vetëm ka vjedhur, por nuk ka përmbushur as premtimin që kishte dhënë ai, që do vidhnin më bukur.
Kujtoni këtu koncensionet, PPP-të me oferta të pa kërkuara, tenderat si ai për Unazën e Vogël e plot afera të tjera korruptive. Shalsi pati të drejtë! Mbase për këtë ‘meritë’ Edi Rama e shpërbleu sot me një post ministror. Shihni videon me gafën e vitit 2013.
