Nga Romeo Gurakuqi
Per ndryshimin e madh, demokratizimin dhe europianizimin e Shqiperise se vitit 2019, mbeten perseri te njejtat parime qe duhen ndjekun:
1. Vendosja e shtetit ne binaret politike te desidences tradicionale, nxitun nga fryma e lirise, respektimit te ligjit, qendreses ndaj autoritarizmit te socialisteve, pluralizmit, parlamentarizmit dhe progresit te qyteterimit eurooian; njohja me vepra e kesaj tradite, nderimi i njerezve qe e kane ndertue dhe zhvillue ate, duke vendosun ne udheheqesi, bartesit reale te frymes dhe vepres se tyne;
2. Krijimi i nji udheheqesie prej elitash intelektuale, te perbame edhe nga bijte e shkolluem ne universitetet ma te mira, te cilet kane besueshmerine per te qene pjese e nji formacioni solid;
3. Refuzimi i korrupsionisteve dhe ndalja e depertimit te matejshem ne jeten dhe fatet e qytetareve;
4. Mobilizimi i shtetasve per nji rezistence politike ndaj tarafit socialist, injorances, sistemeve te shkembimit te interesave te krijueme nder vite.
Per Shkodren:
Duhet te bashkojme nji grup njerezish, qe arrijne te kuptojne permbajtjen e qenies se tyne politike ne Polisin shkodran dhe nderojne traditen ma te mire. Reference per kete duhet te jete dija, profesionalizmi dhe ndershmenia.
Qe te kemi shprese duhet te reflektojme dhe te orientohemi drejt ndjenjave bazike te krenarise sone komunitare gjitheshkodrane.
Cilesia intelektuale dhe filozofia drejtuese e udheheqesise asht bazike, per t’i rikthye shpresen komunitetit te nji vendi.
E perseris per te disaten here: Udheheqesia politike dhe programore e komunitetit tone, nuk duhet te jete rastesore, por e zgjedhun mbi kritere vlerash!
