Që në nisje të seancës në Kuvend, grupi parlamentar i PD-së ka kërkuar sot shtyrjen me 30 minute nga kryetari i Kuvendit, Gramoz Ruçi. Seanca duhej të niste në orën 10:00. Kërkesa u bë nga deputeti Enkelejt Alibeaj, i cili ia paraqiti Ruçit.
Alibeaj: Kemi nevojë të bëjmë një mbledhje grupi në fillim të rendit të ditës. S’mund ta themi ne objektin e mbledhjes së Grupit!
Ruçi: Ju lutem, seanca sa ka filluar, rendi i ditës është i njohur.
Alibeaj: Unë po bëj një kërkesë. Sigurisht është i njohur, nuk ka lidhje me rendin e ditës. Ne kemi nevojë të bëjmë gjysëm orë pushim, për mbledhje grupi, për të përcaktuar edhe çështje që kanë lidhje me rendin e ditës, për mbarëvajtjen e saj.
