Partia Demokratike ka prezantuar sot Programin e saj ekonomik, që do u propozojë shqiptarëve.

Në prezantimin e tij, kreu i PD-së, Lulzim Basha deklaroi se në 100 ditët e para të ardhjes në pushtet, do të anulohen koncesionet dhe taksat e vendosura nga qeveria Rama.

Në lidhje me këtë program, ka reaguar edhe ish-ministri i Drejtësisë, Ylli Manjani. Ai është shprehur se do ta votojë këtë program.

“Lulzim Basha ka prezantuar sot një program për klimën e biznesit.

Ishte i thjeshtë; konkret; realist dhe i duhuri për të vende të reja pune dhe nxjerrjen e vendit nga kriza.

Jam 100% dakord me këtë program dhe kam ndërmend ta votoj sapo të më jepet rasti!

Do ta votoj që të kem të drejtë të kërkoj hesap për zbatimin e tij”, shkruan Manjani.