Pas më shumë se dy orësh proteste para godinës së Kuvendit, deputetët e opozitës janë drejtuar drejt Kryesisë së Kuvendit. Thirrja për të shkuar drejt Kryesisë së Kuvendit është bërë nga kreu i PD-së, Lulzim Basha, i cili deklaroi se në Kryesi do të bëhet dorëzimi zyrtarë i mandateve.
Ndërkohë mediat raportojnë se në Kryesinë e Kuvendit ndodhet kryeministri Edi Rama, i cili po zhvillon një takim me kreun e Kuvendit, Gramoz Ruçi.
Kreu demokrat Lulzim Basha deklaroi se ai do të jetë në mbështetje të protestuesve në luftën e këtyre të fundit kundër qeverisë. Në fjalën e mbajtur para protestueve, Basha tha se opozita nuk do e ndalojë luftën e saj kundër qeverisë që, sipas tij, ka lidhje me krimin.
