Sa herë që Edi Rama bën thirrje për ndarjen e Kosovës, vjen nga një deklaratë nga Moska duke e trajtuar atë si nacionalist.

Në fakt Edi Rama është ideatori i ndarjes së Kosovës dhe këtë po e vërtetojnë faktet që zbardhen ditë pas dite.

Në një deklaratë të djeshme, zëdhënësja e ministrisë së jashtme ruse, Maria Zakharova thotë se ‘Rusia e konsideron të papranueshme deklaratën e bërë nga kryeministri shqiptar Edi Rama rreth asaj se Kosova është pjesë e Shqipërisë’.

‘Ndoshta nuk e kishim përkthyer mirë këtë deklaratë, prandaj kemi e kontrolluar disa herë’, tha Zakharova duke shtuar: ‘Kryeministri shqiptar e lidhi zbatimin e këtij plani me korrigjimin e kufijve që diskutohen në mënyrë aktive në fund të procesit të negociatave dhe arritjes së marrëveshjes përfundimtare ndërmjet Beogradit dhe Prishtinës, ‘tha ajo.

Zakharova theksoi se Rusia e konsideron këtë retorikë ‘absolutisht të papranueshme’. Siç vuri në dukje ajo, kjo është një çështje që ka të bëjë me territorin e Serbisë dhe për statusin e Krahinës Autonome të Kosovës.

Sipas Sputnik, Zakharova deklaroi se pozicioni i Rusisë nga njëra anë është i përbërë nga shumë komponentë, dhe nga ana tjetër, ajo bazohet në një qasje të qartë dhe pa ekuivoke për një zgjidhje për këtë çështje.