Teksa shpërndan një artikull të “Panorama”, ku burri i deputetes së PS bëhet magjistrat pa Shkollë Magjistrature, ish-kryeministri Sali Berisha e konsideron një akti bandidest dhe antikushtetues të “kunatit KLP”, që votoi dje për emërimin prokuror të Bledar Velikajt.

Reagimi i plotë i Berishës:

Kjo eshte turp reforma!

Kunat KLP shkruan kushtetutën: zëvendëson diplomën e magjistraturës me mandatin e deputetit te bashkëshortes.

Miq, ne nje akt banditesk antikushtetues Kunat KLP votoi dje per emerimin prokuror te Bledar Velikaj, burrit te deputetes ndrikull Felaj. Kunat KLP mori kete vendim ne shkelje flagrante te Kushtetutes se vendit, e cila stipulon ne menyre taksative se:

“Prokurorë mund të jenë shtetasit shqiptarë, që emërohen nga Këshilli i Lartë i Prokurorisë pas përfundimit të Shkollës së Magjistraturës dhe pas kryerjes së procesit të verifikimit paraprak të pasurisë dhe të figurës së tyre, sipas ligjit”

Keshtu te dashur miq, kushi kushtetues, diploma e shkolles se magjistratures u zevendesua nga mandati i deputetes Felaj, bashkeshorte e Bledar Velikaj.

Bledar Velikaj vite me pare u muar peng nga bandite ne Uren Vajgurore pasi kishte premtuar nje vendim gjykate kundrejt parave, te cilin nuk e realizoi dot.

Ky eshte Kunat KLP dhe kjo eshte Turp Reforme!

Ketu me poshte keni nje raport te hollesishen te mediave per kete akt antikushtetues te Kunat KLP”.

Artikullin e plotë të Panorama mund ta lexoni më poshtë:

Zbardhet debati në KLP, burri i deputetes së PS bëhet magjistrat pa Shkollë Magjistrature