Protesta e opozitës ka nisur që në fillim me përplasje mes Policisë së Shtetit dhe protestuesve. Policia ka ndaluar qytetarët që të protestojnë para Ministrisë së Brendshme, me argumentin se një delegacion i huaj do të kalonte në qendër të Tiranës.

Forcat e policisë kanë arrestuar disa qytetarë mes të cilëve dhe gra.

Në terren janë rreth 1000 forca policie. Ndryshe nga herët e tjera në kordon ka efektive femra. Grupe policësh ka dhe në ruajtje të institucioneve përveç se tek parlamenti. Nisur nga protestat e kaluara, do të ketë policë tek Kryesia e Kuvendit, KQZ por edhe tek Drejtoria e policisë së Tiranës.

Kësaj radhe flitet për një numër më të ulët policësh në ruajtje të rendit. Ndërkaq në oborrin e xhamisë së Namazgjasë do të jenë të dislokuara FNSH-të. Po kështu mësohet se deputetët do të hyjnë nga pedonalja, e cila do të jetë e e rrethuar me efektivë të Policisë së Shtetit dhe Gardës së Republikës.

Godina e Parlamentit do të vijojë të jetë e rrethuar me kamera për të fiksuar të gjithë protestuesit e opozitës që mund të shfaqin shenja dhune. Gjithashtu, dera që lidh selinë e Partisë Demokratike me sallën e Parlamentit do të vijojë të jetë e bllokuar edhe përgjatë ditës së sotme