“Kam urdhëruar që në perimetrin e sigurisë së aeroportit ‘Nënë Tereza’ të vendosen efektivë të Policisë Ushtarake dhe Batalionit Special të Forcave tona të Armatosura”. Kështu u shpreh në një deklaratë për mediat ministrja e Mbrojtjes Olta Xhaçka duke lënë të kuptohet se policia e shtetit dhe Sandër Lleshaj kanë dështuar në ruajtjen e  rendit dhe sigurisë në vend.

Zhvillimet më të fundit brenda qeverisë po na tregojnë se Edi Rama po mënjanon Lleshajn nga funksionet e tij, kjo pasi ngjarja kur Shqipërinë po e vizitonte zyrtari i Lartë i Shtetit Amerikan Mathew Palmer ishte kulmi i mungesës së sigurisë.

Sandër Lleshaj që në emërimin e tij si ministër është treguar i paaftë. E nisi me urdhrat ofenduese për policat barkderra dhe e u bë njeriu gaz helmues i shqiptarëve.

Fakti që grabitësit ishin brenda në aeroport pranë avionit ku për tre orë do të nisej zv ndihmës sekretari i Shtetit Palmer dëshmoi paaftësinë totale të Ministrit ët Brendshëm të strukturave të policisë dhe të gjitha strukturave të tjera për ruajtjen e rendit dhe sigurisë në vend.

 Si vend anëtar i NATO-s portet dhe aeroporti i Shqipërisë, sidomos ky i fundit janë objekte të sigurisë së lartë. Aty nuk janë grabitur shuma parash por ka kapitulluar i gjithë shteti përpara një sulmi të disa grabitësve në këtë objekt.

Pas shenjave se Rama e ka lëshuar ministrin Lleshaj, pritet edhe heqja e tij nga pozicioni i Ministrit të Brendshëm./ 55news.al