“Dush me ujë të ftohtë në Berlin për aventurierët e Ballkanit për shpresat e integrimit të shpejtë. Me Ramën nuk ka integrim”.

Kështu shkruan ish kryeministri Sali Berisha, duke u bazuar edhe te shkrimi i Financial Times, e cila dje në një shkrim të sajin shprehej ndër të tjera, se Samiti i djeshëm i Berlinit ishte një dush i ftohtë mbi shpresat e Ballkanit për pranimin e menjëhershëm në BE.

”Kancelarja gjermane Angela Merkel dhe presidenti francez Emmanuel Macron u kanë sugjeruar 6 vendeve të Ballkanit perëndimor që aspirojnë anëtarësimin në BE se ka pak shanse për t’u bashkuar menjëherë me bllokun, duke u thënë atyre se duhet të vënë rregull në shtëpitë e tyre një herë”.
Kështu e nis shkrimin prestigjiozja “Financial Times”.

Postimi i plotë i ish-kryeministrit Berisha:

Dush me uje te ftohte ne Berlin per aventurieret e Ballkanit per shpresat e integrimit te shpejte!

Me Ramen nuk ka integrim!

Lexoni editorialin e gazetes me te madhe ne Europe “Financial Times” kushtuar samitit te Berlinit. sb

“Financial Times”/ Merkel dhe Macron-Ballkanit: Rregulloni fillimisht shtëpitë tuaja

”Kancelarja gjermane Angela Merkel dhe presidenti francez Emmanuel Macron u kanë sugjeruar 6 vendeve të Ballkanit perëndimor që aspirojnë anëtarësimin në BE se ka pak shanse për t’u bashkuar menjëherë me bllokun, duke u thënë atyre se duhet të vënë rregull në shtëpitë e tyre një herë”.
Kështu nis një shkrim i prestigjiozes “Financial Times” për samitin e Berlinit me titull: “Dush i ftohtë mbi shpresat e Ballkanit për pranimin e menjëhershëm në BE”.

Shkrimi plotë:
Macron u përqendrua në nevojën për “stabilitetin politik” në rajon, duke thënë se Parisi do të ndihmonte në reformat kyçe ekonomike, sociale, të sigurisë dhe të sundimit të ligjit përmes procesit të zgjerimit të BE.

“Ne [do të] punojmë së bashku për stabilitetin e rajonit… Që nga viti 2000, ne jemi tërhequr nga rajoni, por sot duam të punojmë së bashku”, – tha ai para një takimi në Berlin me udhëheqësit e Shqipërisë, Bosnje dhe Hercegovinës, Malit të Zi, Maqedonisë Veriore, Serbisë dhe Kosovës.

BE ka mbajtur gjatë mundësinë e sjelljes së vendeve të Ballkanit Perëndimor në bllok për të nxitur përparimin ekonomik dhe për të përmirësuar stabilitetin më të gjerë rajonal.
Mali i Zi dhe Serbia tashmë kanë hapur zyrtarisht negociatat për t’u bashkuar me BE, ndërsa Shqipëria dhe Maqedonia e Veriut janë kandidatë dhe shpresojnë të kenë dritën e gjelbër për të hapur negociatat zyrtare të pranimit në një samit të qershorit, të cilin vendet e tjera aspiruese do ta shohin si një provë gatishmërinë për t’u angazhuar.
Merkel tha se shpresonte që takimi i Berlinit do të kontribuonte në zgjidhjen e mosmarrëveshjes midis Serbisë dhe provincës së saj të mëparshme, Kosovës të cilën deklarata e pavarësisë së saj në 2008 nuk e njeh, citon lapsi.al. Kancelarja gjermane ka qenë një kundërshtare e zjarrtë e çdo zgjidhjeje për mosmarrëveshjen e gjatë që do të përfshinte një shkëmbim territori – një ide që po qarkullon në rajon.
Uashingtoni dhe Brukseli kanë thënë se do të mbështesin një marrëveshje të tillë midis Beogradit dhe Prishtinës, citon lapsi.al. Vëzhguesit thonë se Merkel dhe Macron pritën samitin për shkak të shqetësimeve për zhvillimet në rajon, pavarësisht suksesit novator të marrëveshjes së emrit të Maqedonisë Veriore, të arritur me Greqinë pas dekadash të tëra.

“Nëse shikoni drejtuesit që bëjnë thirrje për rivshkruajtjen e kufijve, që i shohin minoritetet si kërcënime sigurie dhe ngrenë kapacitete ushtarake, këto janë trende shumë shqetësuese”, – tha Adi Cerimagic, një analist me bazë në Berlin me Iniciativën Evropiane të Stabilitetit dhe një autor i një raporti të fundit për rajonin.
“Ka një lloj ndjesie pas Brexit në kuptimin që udhëheqësit në rajon nuk e kuptojnë sa e rëndësishme është BE për ta, kur është në të vërtetë partneri më i rëndësishëm”, – tha ai, duke vënë në dukje se një dekadë më parë, kishte më shumë optimizëm rreth pranimit në secilin nga vendet.
“Ky samit shërben për t’u kujtuar atyre se BE është ende atje”. Konferenca vjen pasi Brukseli ka ngritur alarm për rolin në rritje të Kinës dhe Rusisë në rajon.
Macron tha se ai kuptoi se aktorët e tjerë “kanë interesat e tyre në Ballkan, por është e qartë se interesat evropiane kanë më shumë rëndësi”. /Marrë nga Financial Times