Njësoj si 28 vite më parë, edhe sot Rilindasit po veprojnë njëlloj si etërit e tyre, duke ju përgjigjur protestave popullore me antiprotesta.

Dikur ishin ‘Besnikët e Enverit’ sot janë ‘besnikët e Edvinit’. Deputeti socialist Ulsi Manja, ju ka bërë thirrje militantëve të partisë që të dalin në protestë kundër atyre që protestojnë për të mbrojtur shtëpitë e tyre, që protestojnë kundër varfërisë, krimit dhe korrupsionit.

‘PD-ja është në kohë, le të shkojë t’i regjistrojë kandidatët. Edhe për protestat tani, ka ardhur koha në Tiranë të ketë një tubim paqësor të qytetarëve të Tiranës. Marrëzia e protestave po i pengon qytetarët të shkojnë në punë, në shkollë. Qytetarët e Tiranës ka ardhur koha të dalin në një protestë paqësore kundër kësaj marrëzie politike’, u shpreh Manja.
Kujtojmë se antiprotestat ishin dhe veprimet e fundit që komunistët bënë para se të shpartalloheshin nga revolta popullore.