Pas ish-ministrit të Drejtësisë Ylli Manjani, edhe gazetari investigativ Basir Çollaku i është përgjigjur deklaratave të kryeministrit Edi Rama, i cili i akuzoi si autorë të artikullit në gazetën gjermane “Bild”.
Sipas Çollakut, investigimi i Bild nuk ka mbaruar dhe së shpejti do të publikohen të dhëna të reja.
Nga ana tjetër, kreu i qeverisë u kundërpërgjigj duke e kërcënuar me gjyq.
“Basir Pollakut i them: shihemi në gjyq”, tha Rama.
“Nuk kam me Bild-in asnjë gjë, këtë e ka shkruar Ylli Manjani dhe Collaku, janë këta të ty që janë furnizuesit dhe autorët e këtij teksti. Ka bërë një publikim bazuar në këto burime, shqiptarët e dimë mirë se çfarë përfaqësojnë këto burime, gazetari i BILD ka marrë këto burime të shquara dhe unë nuk kam çfarë t’i them”, do të shprehej Rama në ‘Opinion’.