Nga qyteti i Fierit ku është surprizuar nga pjesëmarrja e madhe e fierakëve, kreu i Partisë Demokratike Lulzim Basha komentoi rekomandimin e Komisionit Evropian për hapjen e negociatave. Basha risolli në vëmendje festat që Rama bënte një vit më parë duke gënjyer shqiptarët se negociatat janë hapur.
“E mbani mend mirë një vit më parë hapi shampanjën për të festuar se negociatat na u hapën. Le t’ia kujtojmë shqiptarëve se shampanjat që u hapën i paguajnë shqiptarët. Ja ku jemi sot, negociatat nuk ishin hapur. Rama tani duhet ti kërkojë falje shqiptarëve” tha Basha.