Kreu i Partisë demokratike Lulzim Basha i është bashkuar protestës së banorëve të Astirit nga ku deklaroi se beteja e tyre është modeli i qytetarëve të bashkuar kundër bandës së hajdutëve që sipas tij qeverisin vendin.

Ai theksoi se Unaza e Re është frymëzim për betejën e opozitës për rrëzimin e edi Ramës të cilin e quajtui hajdutin më të madh që ka njohur endui në tre dekadat e fundit.

“Nuk ka forcë t’ju mposhtë, dhe kështu ia keni dalë ta ndalni të keqen. Kjo është një meritë e qëndresës tuaj që kurrë nuk u përkulët përpara dhunës nëpër shtëpitë tuaj, dhunës në komisariate, poshtërimit me gazin lotsjellës. Keni zhvilluar betejën më të madhe dhe të gjatë për demokracinë e vendit tuaj. Qëndresa juaj ndezi një dritë shprese kundër të keqes. Dua ta them fare qartë se për ndaljen e të keqes sot nuk mjafton vetëm rezistenca juaj.

Dua ti drejtohem përmes kamerave të gjithë qytetarëve që na ndjekin, përmes kamarave që pronarët e tyre nuk janë e vjedhësit e bukës së gojës. Doni të hapni kantierin e parave të pista për devijimin e Lanës për Taulant jarasin. Ky kriminalitet shtetëror është një kancer dhe prova më e qartë se kjo nuk mjafton është sot dy kilometra prej këtej u mblodhën si në një furrik të pandehurit kryesorë të Unazës së Re për të shpallur kapjen e pushtetit të krimit me kandidat kriminel e përdhunues, me trafikantë e të dënuar”, deklaroi Basha ndër të tjera.