Përfaqësuesi ligjor i PD në KQZ, Ivi Kaso, ka reaguar menjëhërë pas vendimit të Komisionit Qëndror të Zgjedhjeve për të rrëzuar dekretin e Presidentit për shtyrjen e zgjedhjeve vendore.

“Refuzimi i pashembullt i KQZ, - u shpreh Kaso, - për të zbatuar dekretin e Presidentit të Republikës, është hapi i parë i një puçi institucional! Asnjë akt i mëtejshëm lidhur me zgjedhjet s'mund të jetë i ligjshëm dhe i vlefshëm për sa kohë s'ka datë të dekretuar për zgjedhjet!”