Para nisjes së seancës së sotme plenare, deputetët  socialistë janë udhëzuar më një memo të shpërndarë për grupin e PS-së që përmban arsyetimin  për dekretin e Metës për anulimin e datës së zgjedhjeve.

I frikësuar nga përballja me Metën, Rama kërkon të ketë sa më shumë ushtarë të bindur si dele.  Në dokumentin që Rama ka urdhëruar të shpërndahet për ta thuhet se akti i Presidentit për shfuqizimin e dekretit të 30 qershorit është absolutisht i pavlefshëm, pasi është nxjerrë nga organi publik jashtë kompetencave të tij si dhe në kundërshtim flagrant me Kushtetutën dhe ligjin, (neni 108  e vijues i K. Pr. Administrative) dhe si i tillë konsiderohet një akt nul dhe nuk mund të prodhojë asnjë pasojë.

Por çfarë tregon në të vërtetë kjo memo e Ramës për delet e tij. Kjo tregon qartazi që Rama nuk është dhe aq prepotent se sa duket, ai është thjesht një frikacak. Frika nga përballja me një njeri që ai e njeh shumë mirë, sepse ka humbur në çdo betejë dhe përballje kundër tij, Ilir Metës.

Edi Rama që në fillim të karrierës së tij ka ecur para dhe ka avancuar në karrierë duke iu servilosur Ilir Metës.

Sa herë që Meta e ka mbështetur ai ka fituar, sa herë ka ndodhur e kundërta Rama ka humbur thellë.

Ndaj edhe memoja e mëngjesit të sotëm ishte thjesht memoja e frikës së madhe të Ramës.