Ka përfunduar takimi i aleatëve me kreun e PD, Lulzim Basha në selinë e PD. Në një pronocim për mediat kreu i republikanëve, Fatmir Mediu nuk dha shumë detaje se për çfarë biseduan me Bashën.
Ndërkohë, i pyetur nga gazetarët Mediu u shpreh se protestat do të vijojnë, ndonëse ende nuk ka dalë një datë. Sakaq, Mediu theksoi se i qendrojnë kërkesës së tyre për shtyrjen e zgjedhjeve deri në 6 muaj, me qëllim që ato të bëhen pa Edi Ramën kryeministër.
"Nqs Edi Rama e gjeti Shqipërinë vend anëtar të NATO dhe me viza të liberalizuara sot po shkojmë hapa pas. Shqiptarët duhet të çohen. Ne kemi thënë që është e mundur që brenda 6 muajve të zhvillohen zgjedhjet me largimin e Edi Ramës dhe me një qeveri tranzitore.", tha Mediu, teksa ka folur edhe për arrestimet e zyrtarëve të PD në Librazhd, që sipas tij ky veprin të kthen në diktaturë.
