Nga Erisa Xhixho – (Nënkryetare e LSI)

Audiopërgjimet e gazetes prestigjoze gjermene “Bild” tregojnë edhe një herë se nga kush qeverisemi, nga krimi i organizuar ne bashkëpunim me ketë maxhornacë në një skemë mafioze.
Përdoret policia e shtetit si strukture politike e kriminale, kërcënohen qytetarët me vendin e punës, denigrohet dinjiteti i qytetarëve me blerjen e votës , perfshihen deputetë dhe punonjes te administrates publike me në krye të kësaj skeme kriminale të blerjes së votave kryeministrin Edi Rama.

Dhe në gjithë këtë mega skandal që do shkunte cdo qeveri europiane me dorëheqje dhe çuarje përpara drejtësisë kushdo i perfshirë në këtë krim elektoral të deformimit të vullnetit të qytetarëve ndodh absurdi ku Prokuroria merret me daljen e sekretit hetimor dhe prishjen e imazhit.

Padyshim një drejtësi e prokurori e kapur me një kryeprokurore të zgjedhur në mënyrë antikushtetuese këtë do prodhojë.
Refuzoj këtë prokurori që nuk funksionon aspak në perputhje dhe zbatim të ligjit por të urdhërave politikë.

Kjo situate në të cilën ndodhet vendi është pasojë e mungesës së funksionimit të sistemit të drejtesisë prandaj dhe detyra jonë është ta clirojmë duke e venë në sherbim njerëzve dhe jo bandave .

Sot kemi nje parlament ilegjitim dhe monist,qe kercenon me shkarkim Presidentin e Republikes i cili me përgjegjshmëri shtetërore anulloj votimet e 30 qershorit për t’i hapur rrugë dialogut dhe shpëtimit të pluralizmit politik.
Sot dhe jo nesër kjo qeveri dhe ky kryeminister duhet të japin dorëheqjen dhe të mbajnë përgjegjësi politike e ligjore për këtë dëm të madh që i kanë bërë vendit , demokracisë dhe funksionimit të shtetit të së drejtës.

Ne kemi vetëm një zgjidhje të qëndrojmë të bashkuar,të vendosur dhe të pathyeshëm përballë kesaj kaste kriminale që do të marri peng të tashmen e të ardhmen tonë.