Ka nisur protesta e nëntë kombëtar e opozitës përpara Kryeministrisë. Mijëra mbështetës të PD, LSI, PDIU dhe partive të tjera të koalicioniut opozitar janë mbledhur në Bulevardin “Dëshmorët e Kombit”. “Simbolet e protestës së sotme janë frymëzuar nga përgjimet e dosjes 339 dhe 184.

Opozita kërkon dorëheqjen e kryeministrit Edi Rama dhe formimin e një qeverie teknike që do të mundësonte zgjedhje të lira dhe të ndershme. Partitë opozitare akuzojnë Ramën se është autor i vjedhjes së votave në zgjedhjet parlamentare të 2017, ku zyrtarë të lartë të qeverisë dhe segmente të krimit të organizuar janë angazhuar në blerjen e votave, siç edhe u provua nga përgjimet e dosjes 339 të publikuara nga gazeta BILD pak ditë më parë.