PS-ja nuk ndalon fushatën e paligjshme. Jo vetëm në kundërshtim me dekretin e Presidentit Meta, por edhe në shkelje flagrante të ligjit e moralit.

Kandidati socialist për Bashkinë e Tepelenës Tërmet Peçi ka zhvilluar në takim elektoral në kishën e Leklit. Takimin e ka bërë publik edhe përmes disa fotove të postuara përmes adresës së tij në rrjetet sociale.

I paprecedentë mbetet fakti se për këtë takim elektoral nuk janë kursyer as ambientet e vendeve të shenjta. Një rast kaq flagrant nuk është çudia e vetme në këto zgjedhje, pasi më herët, po ashtu është denoncuar kthimi i një qendre shëndetësore në KZAZ, rast ky i cili është edhe rreptësisht i ndaluar nga Konventa Ndërkombëtare.