Kandidati i Edi Ramës për Tepelenën Tërmet Peçi, ka bërë thirrje sot që çunat të dalin e ta presin ‘komandatin’ tek Ura e Leklit. Kjo gjë ka sjellë reagime të shumta.

Një prej tyre është edhe gazetari dhe analisti i njohur Ilir Babaramo. Ai ka bërë një ironi therëse. ‘Çunat e hashashit dhe djemtë e rigonit’, shkruan Babaramo.

Reagimi i plotë i Ilir Babaramos:

‘Çunat e hashashit dhe djemtë e rigonit

Një duzinë ‘çunash’ i kishin zëna pritë sot ‘komandantit’ në urë te Leklit.

Ishte një shprehje spontane e dashurisë së tyre për udhëheqësin.

Në fakt, ‘gjelbërimi’ i atyre skërkave gjatë pesë viteve të fundit u jep plottesisht të drejtë.

Entuziazmi i tyre më kujtoi një këngë të festivalit folklorik te Gjirokastrës:

Djemtë e varfër te rigonit, shqiponja që fluturonit.

Por atyre anëve ka një këngë akoma më të vjetër se festivali: fisi do shkojë në fis, rigoni nuk bëhet lis.