Partia Demokratike është angazhuar që ditën e sotme (e djelë) për të reaguar mbi vendimin që pritet të japë nesër Kolegji Zgjedhor, për dekretin e Presidentit për anulimin e datës së zgjedhjeve.

Pas deklaratës që Ivi Kaso nga selia e PD, dha në mënyrë juridike për vendimin e pritshëm të Kolegjit Zgjedhor, është Shkëlzen Berisha, djali i ish-kryeministrit Sali Berisha, që në rrjetet sociale ka paralajmëruar për atë që do të ndodhë nesër.

“I marri publikon sot vendimin qe do jape gjykata e “pavarur” neser”, shkruan Shkëlzen Berisha në rrjetet sociale, referuar edhe deklaratave të kryeministrit.

Duhet thënë se PS është shprehur të respektojë vendimin që pritet të marrë kolegji zgjedhor për dekretin e dytë të Metës për zgjedhjet.