Ambasadori i OSBE-së në Tiranë, Bernd Borchardt ka shkuar sot në mëngjes në ambientet e Prokurorisë së Krimeve të Rënda.

Qëllimi i kësaj vizite,  lidhet me nënshkrimin e një memorandumi bashkëpunimi për “Bashkërendimin, Koordinimin, bashkëpunimin dhe Komunikimin midis Policisë Gjyqësore dhe Prokurorisë në Procedimet Penale”.

Krim më i rëndë se ka ndodhur në Shqipëri, me të cilin ka lidhje të drejtpërdrejtë ky ambasador dhe organizata e tij është vjedhja e votës dhe mbulimi i saj edhe pse BILD e ka denoncuar me përgjime.

Borchardt dhe organizmi që përfaqëson në Shqipëri, duke vlerësuar edhe një ndarje që kanë pasur midis qendrës në Vjenë dhe atyre që janë në Shqipëri, jo vetëm që i certifikoi zgjedhjet e vitit 2017 por vazhdon të jetë palë e mbrojtjes së kësaj vjedhjeje.

Organizata që Borchardt përfaqëson ën Shqipëri merret edhe më çështjet sigurisë. Kur krimi i organizuar merr shtetin me qira dhe godet institucionin e votës nuk ka potencial më të madh për cenimin e sigurisë.

Në vend që ky ambasador të shprehet për letrën që Presidenti i ka dërguar OSBE-së lidhur me datën 30 qershor dhe të respektojë Kushtetutën e vendit shkon dhe merret me memorandume pa asnjë vlerë.

Memorandumet janë një shpikje dhe stil sovjetik për të cilat Borchardt ka shumë dijeni.