Ish-deputeti i Partisë Demokratike, Oerd Bylykbashi, ka reaguar pas deklaratës së OSBE-ODHIR për votimet moniste të 30 qershorit.

Gjatë një konference për mediat, Bylykbashi tha se sot OSBE e bëri të qartë se zgjedhjet farse të Rilindjes ishin nul, dhe nuk kanë asnjë vlerë.

Sipas tij deklarata e ndërkombëtarëve ishte e qartë se zgjedhjet pa kundërshtar të rilindjes nuk vlejnë.

‘ODHIR u tha shqiptarëve se në 30 qershor nuk pati zgjedhje. Mungesa e zgjedhjes i ka bërë këto zgjedhje nul. ODHIR ju tha shqiptarëve se ata nuk patën mundësi për të zgjedhur. Pavarësisht kësaj qeveria organizon një farsë për të ecur përpara. ODHIR tha pas asnjë ekuivok se e vetmja Gjykatë për të gjykuar dekretin e presidentit është Gjykata Kushtetuese. Deklarata e sotme bëri nul të gjitha përpjekjet e Edi Ramës për farsën zgjedhore’, deklaroi Bylykbashi.