Kryedemokrati Lulzim Basha, pas votimit të qytetarëve dhe numërimit të votave, në një deklaratë për median ka treguar se cila është sfida e Partisë Demokratike tani e tutje.
Duke iu referuar numrit të qytetarëve që votuan, që sipas tij ishte tejet i ulët, Basha u shpreh: "Qytetarë, qëndrimi juaj me 30 qershor ishte qëndrim i qartë për ndryshim. Kjo është sfida jonë. Ne PD dhe opozita e bashkuar duhet të përjetojmë dhe të sjellim ndyshimin që ju doni. Ndal krimit në politikë, ndal korrupsiont, ndal prapambetjes. Që nga mitingu i 16 shkurtit jemi bërë më shumë. Jemi bërë më shumë qytetarë. Rruga që ne ndërmorrëm ishte e duhura", tha Basha.
Pjesë nga fjala e Bashës:
Dje më të bashkuar se kurrë jo drejt një bashkie politike por drejt vlerave të lirisë, dinjitetit, lirisë, hapët rrugën për të kthyer dinjitetin e nëpërkëmbur çdo qytetari. Nga marrëzia e 30 qershorit kuptuam se çfarë është i gatshëm të bëjë Edi Rama për pushtet. Pamje të trishta të invalidëve të tërhequr zvarrë, të punonjësve të administratës, të të fortëve që kërcënonin me unififorma policie, janë pasqyra e tij.
85% e shqiptarëve refuzuan rregjimin e krimit, refuzuan Edi Ramën, 85% e tyre pranuan se duan ndryshimin , jo ndyshimin e thjeshtë politik por atë të vërtetë që nis me ndyshimin e sistemin me garantimin e zgjedhjeve të lira dhe të ndershme.
Edi Rama doli më i vetmuar dhe më i dobët nga 30 qershori. 30 qershori zbuloi fytyrën e vërtetë të Partisë Socialiste të shkatërruar nga Edi Rama: ajo është parti që tashmë e mbështesin vetëm për para. Ca për para krimi, Ca për para tenderash dhe koncesionesh, Ca për paratë e rrogës. Edi Rama e ka katandisur Partinë Socialiste në parti rrogëtarësh, parti mercenarësh, parti banditësh. Përballë saj qendrojmë ne si një parti e njerëzve, një parti e mendjeve dhe e zemrave. Ne na bën bashkë aspirata për ndryshim, aspiratë për Europën. Ata i bën bashkë paraja, aspirata për karriken. Qendrimi juaj më 30 qershor ishte një mesazh për ndryshim. Me qëndrimin tuaj, ju e bëtë të pashmangshëm ndryshimin Kjo është tashmë sfida jonë. Ne, Partia Demokraitke e gjithë opozita e bashkuar, bashke me ju duhet të projektojmë dhe sjellim ndryshimin që ju doni.