Në Dibër ka përfunduar zyrtarisht numërimi i votave, ku ashtu siç pritej, fitues është shpallur kandidati i PS, Dionis Imeraj përballë atij të BD-së, Shkëlzen Qoka.
Imeraj është votuar nga 12,990 qytetarë ose e thënë ndryshe nga 5612 vota më pak se Muharrem Rama i PS në zgjedhjet vendore të 11 shtatorit 2016, që mori në total 18602 vota.

Shifrat i japin të drejtë Partisë Demokratike, e cila në atë periudhë pati deklaruar se eksponentë të lartë të Partisë Socialiste, duke filluar nga kryeministri Edi Rama, ish-ministrat Gjiknuri, Tahiri dhe Ymer Lala kanë blerë mbi 4 mije vota përmes shantazheve, presioneve apo edhe parave.
Pretendimet e tyre u faktuan këto dy javë edhe nga përgjimet e gazetës Bild, ku tregoheshin hapur pazaret e votave.
Ndërkohë kandidati i Bindjes Demorkatike, Qoka që hyri rishtazi në garë është votuar nga 2,566 qytetarë, në gjuhën e shifrave ka marrë 16.5% në total.