Knut Fleckenstein, ish reporteri për Shqipërinë në Parlamentin Europian, anëtar i Partisë Socialdemokrate gjermane, humbësja e madhe e zgjedhjeve europiane të majit, bën thirrje për rrëzimin me votë në Parlamentin Europian të ministres gjermane të Mbrojtjes, Ursula von der Leyen, e nominuar si Presidente e Komisionit Europian nga shefat e qeverive të BE.

Zonja von der Leyen është ministre e mbrojtjes gjermane nga partia e CDU e kancelares Merkel.

Fleckenstein, i cili kritikon edhe kancelaren gjermane Angela Merkel, ndërsa apelon që Frans Timmermans, një socialist hollandez, të jenë zëvendësuesi i Jean Claude Juncker në krye të Bashkimit Europian.

Kujtojmë se von der Leyen është një ndër njerëzit më të besuar të kancelares gjermane, ndërsa kandidatura e saj ka marrë mbështetjen e shumë vendeve anëtare të BE. Nga ana tjetër, Knut Fleckenstein njihet tashmë si një politikan filo-rus dhe njeri i afërt me drejtuesit e mazhorancës në Shqipëri.