I gjithë opinioni sot i medias ishte marrë me një intervistë të kryetarit të KLP Genti Ibrahimi dhënë DW. “Skupi” mediatik ishin SPAK-u dhe Adriatik Llalla. Hipokrizia e intervistës së tij  i kapërcente limitet dhe të mjegullës që rrethon reformën në drejtësi e cila në Shqipëri po katandiset në një luftë klasash të kohëve moderne.
Së pari në bazë të marrëveshjeve të forcave politike dhe ndryshimeve Kushtetuese që çuan në miratimin me 140 vota në 21 korrik të vitit 2016, Genti Ibrahimi është vet i paligjshëm në krye të atij institucioni (KLP).  Njerëzit që merrnin pjesë në hartimin e këtyre ndryshimeve nuk duhej të emëroheshin në krye të institucioneve të reformës, sepse kjo ishte konflikt interesi i pastër, por Genti Ibrahimi duhej si të gjithë Ibrahimët e tjerë të Ramës për të hedhur në erë Reformën, Gjykatën Kushtetuese dhe institucionet e tjera.
Genti Ibrahimi dhe ibrahimët e  tjerë Ramës i duheshin për ta kthyer reformën në luftë klasash, por lajmi sot nën emrin e Adriatik Llallës nuk ishte SPAK-u, ishte kërcënimi.
Të gjithë pjellat e Sorosit në Shqipëri me gjuhë dhe fjalorë të ndryshëm shkojnë tek shprehja: ”Nuk keni parë gjë akoma”. Ibrahimi kërcënon kot me SPAK-un e Ramës dhe prokurorë që i shantazhon Rilindja. Dosja më e nxehtë në Shqipëri është dosja “Rama”. Do të vijë një kohë kur ibrahimët, me apo çallmën e Sorosit do të kuptojnë që ka shërbime sekrete serioze të cilat furnizojnë kancelari dhe shtetarë seriozë. Do të vij një ditë në të cilën eksperimenti radikal i Soros me Shqipërinë dhe shqiptarët do të marrë fund dhe na takon ne nëse ndihemi sadopak qytetarë europianë të mos trajtohemi si kavie.
Dosja me e nxehtë në Shqipëri është dosja “Rama”. Marrëdhëniet e hershme me segmente të caktuara të errëta në Shqipëri që me ardhjen si kryetar bashkie dhe kulmimi i kësaj karriere në këto 6 vite kryeministër nga droga tek PPP do të jetë objekte investigimi serioz dhe kur gjyqi i Saimir Tahirit të bëhet serioz.