Sekretar i përgjithshëm në Ministrinë e Brendshme së fundi u emërua Plarent Ndreca. Ky emërim erdhi pas largimit të Dritan Palnikajt i cili nuk ishte i pëlqyer nga ministri Sandër Lleshaj. I mallëngjyer që po ngjiste shkallët e Ministrisë së Brendshme, ministrisë që dikur ka pasur në varësi kampin e të burgosurve të Spaçit, Ndreca filloi punën e policit. Në bashkëpunim me policin e derës së madh, vuri në punë kronometrin për të parë se kur hynë në punë punonjësit. Në Spaç, kur të dënuarit vonoheshin një minutë, i priste dënimi në birucë. Ndreca, në mungesë të birucës, i la 72 punonjës plot një orë në diell. Të gjithë punonjësve iu konfirmua “vonesa” me një minutë sipas orës së Ndrecës. Kjo ishte fitorja më e madhe e realizuar nga Ndreca. Pavarësisht se Kontrolli i Lartë i Shtetit e ka rekomanduar Ndrecën për largim nga shërbimi civil, në administratën e Ramës, këta roje dere, janë gjithnjë të domosdoshëm.