Nga Boldnews.al

Reforma në Drejtësi, nga një furtunë e pritshme kundër politikanëve të korruptuar, u shndërrua në një ortek kundër strukturave të drejtësisë.

Tre vjet pas miratimin të ndryshimeve kushtetuese që i hapën rrugën asaj që do të ishte “reformimi” i sistemit gjyqësor, në fakt është shndërruar në një pengesë themelore për Shtetin Shqiptar.

Pas kolapsit që pësoi Gjykata Kushtetuese, Gjykata e Lartë dhe Prokuroria e Përgjithshme, tashmë ende nuk ka një dritë në fund të tunelit për një zgjidhje të plotë dhe efikase.

– Gjykata Kushtetuese, edhe nëse krijohet, do të jetë me 6 anëtarë, nga 9 që parashikon Ligji Themeltar. Numri “6 anëtarë” nuk është parashikuar në asnjë dispozitë kushtetuese dhe ligjore.

Por, Këshilli i Emërimeve në Drejtësi, struktura që verifikon kandidaturat për anëtarë të Gjykatës Kushtetuese, e drejtuar nga Ardian Dvorani, mendon që mund të vendosë në funksion atë institucion edhe me 6 anëtarë, një numër më të vogël se sa ai kushtetues.

Gjykata Kushtetuese përbëhet nga 9 anëtarë, të cilët zgjidhen sipas formulës: 3 anëtarë nga Parlamenti, 3 nga Presidenti dhe 3 nga Gjykata e Lartë.

– Por, kjo e fundit, pra Gjykata e Lartë, nuk mund të zgjedhë 3 kandidatët për në Kushtetuese, pasi vetë sot është jo-funksionale.

LEXO EDHE  Do paguani me qimet e kokës, vazhdoni si macja me miun…/ Rama kërcënon hapur bizneset (FOTO)

Për të zgjidhur “ngërçin” në Gjykatën e Lartë, Këshilli i Lartë Gjyqësor ka aprovuar një ide “të çuditshme” të EURALIUS-it; emërimin e anëtarëve të përkohshëm të Gjykatës së Lartë.

KLGJ, fillimisht ka miratuar 2 “anëtarë të përkohshëm” të Gjykatës së Lartë vetëm për çështjet e ekstradimit. Kjo ‘zgjidhje” nuk është parashikuar as në Kushtetutë dhe as në ligj. Por, gjithësesi, kjo nuk e ka penguar Këshillin e Lartë Gjyqësor që të gjejë zgjidhje me “të përkohshëm”, një skemë e cila nuk dihet se sa do të zgjasë dhe se deri ku do t’i shtrijë efektet.

– Prokuroria e Përgjithshme, prej më shumë se dy vitesh, funksionon me Prokuror të Përgjithshëm të Përkohshëm, një funksion, i cili gjithashtu nuk është parashikuar as në Kushtetutë dhe as në ligj.

E, megjithatë, komisioni parlamentar i Ulsi Manjës nuk e pati aspak problem që të zgjedhë Kryeprokurore të Përkohshme mikeshën e tij, Arta Marku, si PPP (Prokurore e Përgjithshme e Përkohshme).

– Ndërkohë, edhe Këshilli i Lartë i Prokurorisë, struktura përgjegjëse për zgjedhjen e anëtarëve të Strukturës së Posaçme Anti-Korrupsion, SPAK, po përgatitet që të ngrejë Prokurorinë Speciale me një numër më të vogël se 15 anëtarësh, siç e përcakton ligji.