Deputeti Lefter Maliqi ka reaguar në lidhje me çështjen e Valdrin Pjetrit, i cili sipas Partisë Demokratike ka qenë i dënuar në Itali për trafikim narkotikësh.

Në lidhje me këtë çështje, Maliqi ka ironizuar kryeministrin Edi Rama duke u shprehur se “mendoj që Rama të komandohet Kryebashkiak në Shkodër meqenëse pas zgjedhjeve moniste të 30 qershorit mikun e tij Valdrinin e kap dekreminalizimi”.

Ndër të tjera, Maliqi shprehet se Rama mund ta bëjë mirë edhe ketë funksion duke qenë se është edhe ministër i Jashtëm, por këtë detyrë ia ka deleguar Gent Cakajt.

Në vijim reagimi i plotë i Maliqit

Unë mendoj që Rama të komandohet Kryebashkiak në Shkodër meqenëse pas zgjedhjeve moniste të 30 qershorit mikun e tij Valdrinin e kap dekreminalizimi. Ramës i përshtatet të jetë dhe Kryebashkiak meqenëse pas zgjedhjeve moniste përfaqëson shumicën e shqiptarëve😂😂si p.sh në Shkodër përfaqeson 8% të votuesve! Por kostituimin e këshillit bashkiak monist dhe betimin ta bëjë në prani te mikut te tij Vuçic. Mendoj që Presidenti të ruajë qetesinë dhe të ketë besim mos të shpallë datë tjetër zgjedhjesh në Shkoder se Rama Kryeministër, ministër i Jashtëm dhe kryebashkiak në Shkodër i bën shumë mirë detyrat, vendi po lulëzon si në qeverisjen qëndrore si në qeverisjen vendore dhe në atë diplomatike ku me Ramën me keto 3 funksione e sigurt që në 18 tetor hapen negociatat për BE.