Në shkrimin e botuar në rrjetin social linkedin, Martin Henze, kryetar i Komisionit të Transportit ne Këshillin Ekonomik të CDU-së gjermane, ka deklaruar se në ADN-në e Ramës nuk ka programim për shtetin ligjor dhe sistemin demokratik.

“Zoti Rama, i cili ende manipulon zgjedhjet, është akuzuar për bashkëpunim kriminal me mafien për falsifikimin e zgjedhjeve 2017; i cili është politikisht përgjigjës për shndërrimin e Shqipërisë në një narkoshtet, me shtypin e huaj që e quan qeverinë si qeveri e mafias, tha në fjalën e tij se gjendja jofunksionale e Gjykatës Kushtetuese dhe e Gjykatës së Lartë si rezultat i reformës në drejtësi ishte një më tepër një pasojë pozitive e këtij procesi se sa dështim, dhe se fillimi i negociatave me Shqipërinë është vetëm fillimi i një rruge tjetër të gjatë në të cilën me siguri Shqipëria do të kishte sërish Gjykatë Kushtetuese funksionale.

Pra zoti Rama thotë se shkatërrimi i shtetit ligjor e rrjedhimisht i sistemit demokratik, dhunimi i madh i Kushtetutës, është gjë e mirë për vendin.

Një deklaratë e paprecedent që nuk u kundërshtua nga përfaquesit e BE të pranishëm. Duket se kjo qeveri dhe mospërmbushja e kritereve të Kopenhagës prej saj përbëjnë një rrezik sigurie jo vetëm për kombin shqiptar por gjithë komunitetin ndërkombëtar.

Duket se në ADN-në e zotit Rama nuk ka programim për shtetin ligjor dhe sistemin demokratik, garantimin e të drejtave të njeriut nga një Gjykatë e Lartë dhe Kushtetuese. Të premten në Tiranë u bë e qartë se nuk do të ketë negociata me këtë qeveri për hyrjen në BE. Nuk do të ketë hyrje të lirë në Bashkimin Evropiane”, shkruan ndër të tjera Henze.