Eurodeputetja Doris Pack ka folur në lidhje me faktin se Arta Vorpsi u betua para noterit e jo para presidentit të Republikës.

Pack deklaron se ajo që ka ndodhur është një absurditet drejtësie, kurse shton se BE duhet të veprojë.

“Një absurditet drejtësie ne Shqipëri e emëruar në mënyrë antikushtetuese si gjyqtare kushtetuese, ajo zgjedh të betohet para një noteri publik jo para Presidentit te Republikës siç kërkon kushtetuta. BE duhet të veprojë!”, tha Pack.

Ndërkohë, kryetarja e Lidhjes Demokratike të Gruas Shqiptare Albana Vokshi organizoi sot një aktivitet me të rinjtë në prani të Kryetares së Forumit të Gruas së PPE Doris Pack. Tematika ishte arsimi i lartë, emigrimi dhe sfidat më të cilat ballafaqohen të rinjtë shqiptarë sot.

Aktiviteti u zhvillua në orën 18:00 në ambientet e ish-Hotel Diplomat, në Vasil Shanto.