Presidenti Ilir Meta në një deklaratë për mediat deklaroi se do të përpjekjet për të arritur një kompromis për zgjidhjen e krizës së paprecedentë nuk kanë dhënë rezultat.

Kreu i shtetit deklaroi se Kushtetuta u jep të drejtën qytetarëve që të thonë fjalën e tyre me referendum, por në 21 vite asnjëherë nuk u është dhënë mundësia. “Kam vendosur të zbres në shesh dhe nuk do të iki derisa t’i kthejmë qytetarëve të drejtën e referendumit”,- tha kreu i shtetit duke ftuar qytetarët në 8 dhjetor në tubimin në Qytetin Studenti.

Kreu i shtetit tha se më 8 dhjetor nis një lëvizje e re për të drejtat e qytetarëve. “Nga sot presidenti është palë me pupullin dhe referendumin dhe qytetarët të mos mbeten më në mëshirën e partive“,- tha Presidenti Meta.

Presidenti deklaroi për gazetarët se më 8 dhjetor nisë një epokë e re për të kthyer vëmendjen drejt qytetarëve dhe për të mos vijuar më lojërat me partitë.

“Koha e partive politike ka mbaruar, ato nuk mund tu garantojnë më asgjë qytetarëve, por vetëm të bëjnë lojëra mes tyre”,- tha kreu i shtetit.