“Po iu mbahet një pjesë e pagës punonjësve”, Luan Rama thirrje kryeministrit: Ndalojeni këtë praktikë të shëmtuar

Hënë, 02 December 2019 18:57

Zëvendëskryetari i LSI-së Luan Rama deklaron se dikush ka urdhëruar ministritë që t’iu mbahet një pjesë e pagës punonjësve për të prekurit nga tërmeti dhe i kërkon kryeministrit të ndalojë këtë praktikë të shëmtuar.

Sipas tij, solidarësia nuk ka nevojë për qeveri, as për kryeministër a president nuk ka nevojë sepse është në shpirtin dhe në vetëdijen shqiptare.

POSTIMI I PLOTË
Solidarësia si vlerë e shoqërisë shqiptare, jo si detyrim prej qeverisë!
Zoti kryeministër, dikush ka urdhëruar ministritë e qeverisë tuaj që t’ju mbahet një pjesë e pagës punonjësve, si kontribut për zhdukjen e pasojave të tërmetit!
Ndalojeni këtë praktikë të shëmtuar e mos e ndyni solidarësinë si vlerë të shoqërisë shqiptare me urdhra idiotësh që fyejnë më së shumti ata që u dëmtuan më rëndë nga tërmeti!

Ndër shqiptarët solidarësia është një vlerë thelbësore dhe e qenësishme.
Është institucion që na vjen prej historisë së lashtë si trashëgimi e vyer e shfaqet ndër ne sa herë shpirti shqiptar vihet në provë përballë vështirësish të ndryshme; në fatkeqësi a në luftëra.
Solidarësia nuk ka nevojë për qeveri. As për kryeministër a president nuk ka nevojë. Sepse është në shpirtin dhe në vetëdijen shqiptare.
E sa herë e ka lypur nevoja, shqiptarët janë bërë bashkë e përkrah njëri-tjetrit, i kanë ndarë bashkë, të keqen dhe të mirën.
Edhe tërmeti i 26 nëntorit dhe rrënojat e plagët e tij e vunë sërish në provë solidarësinë shqiptare, e ajo u shfaq padyshim më e fortë se tërmeti.
Shqiptarisht e bujarisht pranë e bashkë me njëri-tjetrin.
Prej kësaj vlere më së pari na erdhën të parët në ndihmë edhe vëllezërit e Kosovës.
Lërini qytetarët ta shprehin vetë solidarësinë me shpirt e zemër!
Solidarësia nuk bëhet me urdhër dhe as me vendime qeverish zoti kryeministër!

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Gruaja rezultoi me Covid-19, karantinohet familja e mjekut

Aktualitet

Gruaja rezultoi me Covid-19, karantinohet familja e mjekut

Covid hyn në shtëpinë e mjekut të spitalit të Krujës Ardian Mata. “Kruja po bëhet një vatër shumë e nxehtë i bëj thirrje ministrisë dhe ISHP-së të vijë të shikojë situatën...

Prokuroria nis hetimet për efektivët që dhunuan të miturin te Liqeni Artificial

Politikë

Prokuroria nis hetimet për efektivët që dhunuan të miturin te Liqeni Artificial

Prokuroria ka nisur hetimet mbi punonjësit e policisë, të cilët ushtruan dhunë pak ditë më parë ndaj një 15-vjeçari në zonën e liqenit Artificial në Tiranë. Prokuroria ka kërkuar me vendim...

Kryeministri Hoti prezanton emrat e kabinetit të ri qeveritar të Kosovës

Politikë

Kryeministri Hoti prezanton emrat e kabinetit të ri qeveritar të Kosovës

Avdullah Hoti ka rezantuar sot në Kuvendin e Kosovës emrat e kabinetit qeveritar ku do të ketë 4 zv.kryeministra e 16 ministra. Besnik Tahiri i AAK’së do të jetë zëvendëskryeministri i...

Sondazh

Nothing found!

Sondazh

Nothing found!