“Rilindasit” pushtetin nuk e kuptojnë përveçse të lidhur fort në dy elementë: prejardhjen e fortë komuniste dhe nepotizmin. Për ata nuk ka rëndësi as shteti e as kurrgjë tjetër. Shkolla fare nuk ka rëndësi. Janë rrjepësit dhe shkatërruesit më të mëdhenj të shtetit. Njëri nga qindra fijet e emërimeve të “KÇK” të Taulant Ballësh është edhe Ahmet Haziz Doda, lindur më 14.3.1967 në Lunik të Librazhdit. Nëna e Taulantit, Fatimja ka vëlla babain e Ahmetit.
Shoku në fjalë është vendosur në vitin 1998 në Durrës dhe ka punuar disa vite si inspektor në Bashkinë e Durrësit prej nga është shkarkuar e përzënë për shkelje financiare. Pikërisht për këto aftësi të rralla, ai u dërgua nga kushëriri në një vend pëllumbash i Shtëpia e Pushimit të Ministrisë së Brendshme. Është interesant fakti se çfarë e ka mahnitur ministrin e Brendshëm të emërojë një person të tillë, i cili flet me pamjen edhe pa e pyetur fare. Do pyeste ky pastaj për punët e Shtëpisë së Pushimit? Këta janë mësuar që nuk bëjnë asgjë, sepse e konsiderojnë veten drejtora partie.