Historia ka treguar se sa herë pushteti ka qenë në duart e të majtëve, marrëdhëniet dhe miqësia me Jugosllavinë, sot Serbi, ka arritur kulmin.

Ishin pikërisht jugosllavët që do të themelonin Partinë Komuniste shqiptare, do të drejtonin luftën dhe do të “ndihmonin” qeverinë komuniste të dalë prej saj.

‘Miqësia dhe vëllazëria” e komunistëve me jugosllavët arriti deri aty sa ekonomitë e dy vendeve u shkrinë, ndërsa njësia monetare u njësua. Por fatmirësisht, një përplasje Moskë-Beograd bëri që Shqipëria ti shpëtonte gllabërimit jugosllav dhe të bëhej republika e saj e shtatë.

Për vite të tëra, mes dy vendeve nuk pati asnjë marrëdhënie. Madje, në nëntorin e 2014-ës, Edi Rama do të bëhej kryeministri i parë i Shqipërisë, pas Enver Hoxhës në vitin 1946, që viziton Serbinë.

Por para kësaj, një tjetër kryeministër i majtë, Fatos Nano, do të takonte në kulmin e tensioneve në Kosovë, presidentin Sllobodan Millosheviç. Takim ky i zhvilluar në vitin 1997 dhe që u shoqërua me shumë polemika.

Për të ardhur në ditët tona, me kryeministrin tjetër të majtë, Edi Rama, i cili në kuadër të të ashtuquajturës “Mini Shengen Ballkanik”, nismë kjo e presidentit serb Aleksander Vuçiç dhe që në Shqipëri e Kosovë po cilësohet "ringjallje e Jugosllavisë së Re", më shumë po takohet me këtë të fundit se sa me liderët politikë në Kosovë.

Për më tepër, Rama do ti sulmonte nomilisht ata, duke shkaktuar edhe një furtunë zemërate dhe revolte nga shqiptarët në rrjetet sociale dhe jo vetëm.

Deklaratat e tij, të konsideruara të turpshme, përjashtimi i Prishtinës zyrtare nga ky projekt, janë shoqëruar me meme në rrjetet sociale ku shfaqet “dashuria me serbët”, ndërsa në Kosovë nisën edhe sondazhet për ta shpallur atë “non grata”. /SYRI.net