Presidenti i Qeverisë së Administratës Autonome të Katalonjës, Quim Torra, ka deklaruar se do të kërkojë mbajtjen e zgjedhjeve të reja rajonale në rajonin verilindor të Spanjës.

Në një fjalim televiziv katalanas, politikani separist tha se legjislatura ka ardhur në një “rrugë pa krye” dhe paralajmëroi se ai do të kërkojë mbajtjen e zgjedhjeve pasi të kalojë buxheti rajonal në seancë gjatë ditës.

Të hënën, Parlamenti i Katalonjës, i kontrolluar nga një koalicion pro-pavarësisë, njoftoi se Torra do të humb vendin e tij si deputet.

Në muajin dhjetor, Torra u shpall fajtor për mosbindjen e tij për të refuzuar heqjen e simboleve të pavarësisë nga ndërtesat publike dhe u ndalua për mbajtjen e postit për një periudhë 18-mujore.

Ndërkohë që apeloi dënimin ndaj tij, Torra argumentoi se do të vazhdojë të veprojë në politikë.

Fakti që parlamenti katalanas mbështeti vendimin e Gjykatës Supreme Spanjolle zbuloi një përçarje në rritje midis tre partive separiste që përbëjnë koalicionin qeverisës.

“Asnjë qeveri nuk mund të punojë pa unitet, pa një strategji të përbashkët dhe pa besnikëri midis partnerëve”, tha Torra në deklaratën e tij institucionale.

Zgjedhjet e fundit në Katalonjë u mbajtën në vitin 2017 pasi ish-kryeministri spanjoll, Mariano Rajoy, pezulloi rregullin e shtëpisë ligjvënëse dhe shpërndau Parlamentin e Katalonjës pasi shpalli pavarësinë nga Spanja.

Separistët fituan një shumicë, por duhej të formojnë një koalicion për të qeverisur. Më pas, zgjedhje në Katalonjë nuk planifikohej të mbahen deri në vitin 2022.

Në fjalën e tij, Torra nuk dha një datë të saktë për zgjedhjet e parakohshme, por tha se ai do të kërkojë më vonë ato pasi të miratohet buxheti.