Kohët e fundit u krijua përshtypja se SHBA nën kujdesin personal të presidentit Trump, morri në dorë në mënyrë eksluzive çështjen e bisedimeve dhe të një marrëveshje mes Kosovës dhe Serbisë, duke kaluar në hije Bashkimin  Europian dhe veçanërisht  Gjermaninë.

Por duket se nuk është kështu, sepse edhe kancelarja Merkel e ka një plan për këtë çështje të cilin pritet t`ja prezantojë së shpejti edhe presidentit të Serbisë Aleksandër Vuçiç.

Mediat serbe kanë njoftuar sot, se ky i fundit do të takohet gjatë muajit të ardhshëm me kancelaren Merkel në Berlin, ku pritet që  të diskutohen një sërë çështjesh, duke filluar me problemin Prishtinë-Beograd dhe më pas edhe me politikën e re të Bashkimit Evropian për Zgjerimin. Mediat serbe sot, theksojnë, se  në këtë takim që do të mbahet në Berlin, kancelarja Merkel pritet që t’i prezantojë presidentit të Serbisë ‘planin për Kosovën’.

“Një pjesë e madhe e këtij takimi do t’i kushtohet çështjes së të dërguarit të ri të BE’së për bisedimet Prishtinë-Beograd dhe agjendën e tij të ardhshme. Vuçiç mund të zbulojë pastaj se në çfarë drejtimi do të shkojnë bisedimet që do t’i udhëheq Miroslav Lajcak”, kanë  thënënë burime pranë qeverisë serbe për mediat.

Nga ana e vetë  BE-ja zyrtare i kanë quajtur spekulime raportimet rreth emrit të Miroslav Lajcak. Ata kanë thënë se janë duke diskutuar rreth çështjes së Përfaqësuesit Special, megjithatë thonë se procesi është vetëm në hapat e parë dhe janë shumë larg marrjes së vendimit. Kurse  në një deklaratë të para pak ditëve nga Qeveria Gjermane është thënë që çështja e emërimit të një Përfaqësuesi Special të BE është në dorën e Josep Borellit.