Edhe pse ishte i vetëm ne zgjedhjet lokale, njeriu që ka bërë paktin me krimin, Edi Rama nuk i shpëtoi dot tundimit për të marrë kandidatët për kryetar bashkie nga kontigjent i inkriminuar. Marrëzia e 30 qershorit është vazhdim i marrëzive kriminale të 7 viteve pushtet të Rilindjes. Qytetarët shqiptarë nga gjithë konflikt dhe kaosi ku e kanë futur vendin Rama duhet të kujtojnë vetëm një gjë; ky njeri i është sulur gjykatës kushtetuese dhe presidentit për një arsye të vetme; legjitimimin e veprimeve të veta kriminale nga vjedhja e votës me krim të organizuar deri tek kryetarët e bashkive që thithin drogë nëpër lokale tek ata me rekorde kriminale.

Deri më tani kanë rënë kryetarët e bashkive një nga një si fiqtë e Erion Velisë. Çfarë nevoje kishte ky njeri për këtë kontigjinet, kur ishte i vetëm në zgjedhje, sepse pakti me krimin nuk është zgjidhur vetëm për zgjedhjet lokale, kontenierët dhe laboratorët e drogës avionët dhe makinat që shfaqen në det duhen legjitimuar. Miliardat e vjedhura duhen legjitimuar. Saimir Tahirët dhe Kajmakët duhen legjitimuar, pushteti i narko-trafikantëve duhet legjitimuar, ky është sot konflikti me presidentin.
Duhet legjitimuar të gjitha ato që kanë dal në përgjimet e Bild.
Duhet legjitimuar laboratorëte  Xibrakë.
Duhet legjitimuar lavatriçja e drogës së Erion Veliaj me ndërtimet në Tiranë.
Duhet legjitimuar bashkëpunim me bajrët, avdylajt, habilajt.
Prandaj dhe përplasja eshtë e fortë dhe nuk guxojnë të paraqesin kundërfakte për presidentin.
Rilindja është e tmerruar nga provat dhe ka ndërsyer të gjithë spiropalët, leshajt, dhe e ka kthyer adminitratën dhe sekretarët e përgjithshëm  në shërbëtorë të një grushti shteti nga më të shëmtuarit e kohëve moderne.