Nga Sali Berisha.
Pasi vendosja e zonës dhe objektit të karantinës në Kavajë u refuzua me të drejtë nga qytetarët e këtij qyteti, Edvin Çekapi merr vendimin e dytë të gabuar, vendos të përdorë për këtë qëllim Shtëpinë e Oficerëve në Durrës.
Ky është një akt i papërgjegjshëm i Edvin Çekapit, i cili në mijëra e mijëra objekte, zgjedh të vetmen shtëpi pushimi që kanë ushtarakët tanë, përveç Jalës, të cilën e zënë ndrikullat dhe kumbarët qeveritarë
Disa herë jam shprehur se karantina duhet të vendoset në një bazë ushtarake, por Shtëpia e Pushimit të Ushtarakëve nuk është bazë ushtarake. Ky është një akt armiqësor ndaj ushtarakëve shqiptarë, që sot janë ushtarakët më të keqpaguar në Europë dhe marrin gjysmën e pagës që marrin ushtarakët në Kosovë.
Dënoj me ashpërsinë më të madhe këtë vendim të papërgjegjshëm të Edvin Hajdutit dhe ndrikullave Hajnia dhe kërkoj anullimin e menjëhershëm të saj.
