Ish-deputeti i PD-së Bardh Spahia ka publikuar një audio të regjistruar në qendrën shëndetësore numër 8 në Tiranë.

‘Drejtoresha e QSh nr.8 Blerta Berberi provoi se është një militante partiake që, në vend të  shqetësohet për personelin mjekësor dhe qytetarët, u kërkon llogari mjekëve pse komunikojnë me opozitën’, shkruan Bardh Spahia në profilin e tij në Facebook.

Reagimi i plotë i Bardh Spahiajt:

Kush ka mundësinë të bisedojë me një mjek, e kupton menjëherë se të ashtuquajturat masa të qeverisë kundër koronavirusit te ri janë vetëm propagandë.

Më të pambrojturit janë mjekët.

Deri kur ne bëmë publike të vërtetën se Qendrat Shëndetësore janë të papërgatitura, atje mungonin edhe masat më elementare.

Video e vërteton plotësisht këtë. Për fat të keq, Drejtoresha e Qendrës Shëndetësore nr.8 Blerta Berberi provoi se është një militante partiake që, në vend të shqetësohet për personelin mjekësor dhe qytetarët, u kërkon llogari mjekëve pse komunikojnë me opozitën për t’u thënë qytetarëve të vërtetën.