Policia e Fierit ka proceduar një tjetër nxënës I cili dyshohet se ka përdorur sprajt me lëndë gazi, në atë që cilësohet si helmimi masiv i nxënësve dy ditë më parë në shkollën ‘Janaq Kilica’ në këtë qytet.

Sipas policisë nxënësi Xh.B, banues në Levan bashkë me dy nxënës të tjerë dyshohet se ka përdorur sprajt me lëndë gazi me mbishkrimin "DIVA" në ambientet e brendshme të shkollës, duke shkaktuar shqetësime në frymëmarrje te disa nxënës të shkollës.

Procedohet nga policia një tjetër nxënës i cili ka përdorur sprajtin me lëndë gazi në ambientet e brendshme të shkollës së mesme në datën 04 mars 2020.

Xh. B., 19 vjeç, banues në Levan, Fier, nxënës i vitit të tretë në këtë shkollë.

Ky shtetas, në bashkëpunim me dy nxënësit e tjerë të cilët u proceduan më parë në gjendje të lirë, dyshohet se ka përdorur sprajt me lëndë gazi me mbishkrimin "DIVA" në ambientet e brendshme të shkollës, duke shkaktuar shqetësime në frymëmarrje te disa nxënës të shkollës.

Materialet i kaluan Prokurorisë pranë Gjykatës së Shkallës së Parë Fier, për veprat penale "Ndotja e ajrit" dhe "Prishja e qetësisë publike".